මාර්ගගත අපනයන ක්‍රියාවලිය බලපත්රය ඉල්ලන්න

ඇ.ඩො. 200 අඩු , ඇ.ඩො. 201 ත් – 1,000 ත් අතර වටිනාකම් වලට අදාළ මැණික් හා ස්වර්ණාභරණ අපනයනය සඳහා අවම වශයෙන් රු. 500,000/-
තොග වටිනාකම සහිතවූ වලංගු මැණික් වෙළඳ බලපත්‍රයක් අපනයනකරු සතුව තිබිය යුතු අතර ඇ.ඩො. 1001 ත් – 3000 ත්
අතර වටිනාකම් වලට අදාළ මැණික් හා ස්වර්ණාභරණ අපනයනය සඳහා අවම වශයෙන් රු. මි. 1.0 තොග වටිනාකම සහිතවූ
වලංගු මැණික් වෙළඳ බලපත්‍රයක් අපනයනකරු සතුව තිබිය යුතු සහ මැණික් වෙළඳ බලපත්‍රයේ තොග සීමාව / වටිනාකම නොඉක්ම විය යුතුය.
අපනයන ඉන්වොයිසියේ සඳහන් ප්‍රකාශිත සම්පූර්ණ නැව්ගත වටිනාකම ආවරණය වන පරිදි රක්‍ෂණ ඔප්පුවක් අපනයනකරු විසින්
ශ්‍රී ලංකාවේ රක්ෂණ මණ්ඩලයේ (SriLanka Insurance Board) ලියාපදිංචි පිළිගත් රක්‍ෂණ සමාගමක් මඟින් ලබාගත ගත යුතුය.
මාර්ගගත (Online) අනුමැතිය සඳහා ජාතික මැණික් සහ ස්වර්ණාභරණ අධිකාරියේ අපනයන වෙබ් අඩවිය හරහා
පහත ලේඛන ඉදිරිපත් කළයුතු ය.
An Invoice covering the details of consignee
Insurance Policy Report
NGJA Payment Receipt

අපනයනකරු විසින් මුදල ජාතික මැණික් සහ ස්වර්ණාභරණ අධිකාරියේ ලංකා බැංකුවේ ගිණුම් අංක 0000001229 ට සෘජුව තැන්පත් කළ යුතුය.
(චෙක් තැන්පතු භාර නොගනී). ජාතික මැණික් සහ ස්වර්ණාභරණ අධිකාරියේ අපනයන පද්ධතිය මඟින් විද්‍යුත් පණිවිඩයක් මඟින් අදාල ලේඛණ
ලද බවට පණිවිඩයක් නිකුත් කරනු ලැබේ. අදාල මැණික් සහ ආභරණ අපනයනය සඳහා මාර්ගගත අනුමැතියක්, ජා.මැ. සහ ස්. අ. මැණික් තක්සේරු /
රතනවිද්‍යාඥගේ නිර්දේශයෙන් සහකාර අධ්‍යක්ෂ (අපනයන සේවා සහ අපනයන අලෙවිකරණ – අපනයන අංශය) / අධ්‍යක්ෂ (අපනයන සේවා හා අපනයන අලෙවිකරණ)
විසින් විද්‍යුත් පණිවිඩයක් මඟින් ලබා දෙනු ලැබේ. අපනයනකරු විසින් ශ්‍රී ලංකා රේගුවේ වෙබ්අඩවිය (Asycudha) යොදාගෙන රේගු විස්තර
පත්‍රිකාව (Cusdec) ඉදිරිපත් කළ යුතුය. අදාල විසතර පත්‍රිකාව සපුරා ඉදිරිපත් කිරීම පූර්ණ වශයෙන්ම අපනයනකරුගේ වගකීමක් වන අතර මේ සඳහා
ජා.මැ.සහ ස්.අ. මැදිහත්වීමක් හෝ වගකීමක් නොවන බව අවධාරණය කෙරේ. අදාල රේගු විස්තර පත්‍රිකාව (Cusdec)
සම්පූර්ණ කිරීම අපනයනකරු/ වාප්පු ලිපිකරු/ ඒජන්ත ආයතන මඟින් ඉටුකර ගත යුතුවේ.

මාර්ගගත අපනයන ගාස්තු

ඇ.ඩො. 200 දක්වා                                                      සේවා ගාස්තු නොමැත
ඇ.ඩො. 201 – 1000     අපනයන මැණික්               රු. 1000 + VAT
ඇ.ඩො. 201 – 1000     අපනයන ස්වර්ණාභරණ රු. 1000 + VAT
ඇ.ඩො. 1001 – 3000  අපනයන මැණික්                රු. 3000 + VAT
ඇ.ඩො. 1001 – 3000  අපනයන ස්වර්ණාභරණ  රු. 3000 + VAT